بَعِيدٍ﴾[1]; «Ва куҷо метавонанд аз ҷоӣ дур ба он дастрасӣ пайдо кунанд?!» Ва бар ҳамин асос, инзори он Ҳазратро маҳдуд ба касоне шумурда ки дар замони ӯ зиндаанд ва фармудааст: ﴿لِيُنْذِرَ مَنْ كَانَ حَيًّا وَيَحِقَّ الْقَوْلُ عَلَى الْكَافِرِينَ﴾[2]; «То касонеро бим диҳад ки зиндаанд ва сухан бар кофирон рост ояд»; Бал тазаккури он Ҳазратро танҳо барои касоне судманд шумурдааст ки бино бар ақл ба хабари мутавотири он ахз мекунанд ё бино бар ҳис ба истимоъи ҳузурии он роҳ меёбанд ва фармудааст: ﴿إِنَّ فِي ذَٰلِكَ لَذِكْرَىٰ لِمَنْ كَانَ لَهُ قَلْبٌ أَوْ أَلْقَى السَّمْعَ وَهُوَ شَهِيدٌ﴾[3]; «Ҳароина дар он мояи тазаккуре барои касе аст ки барои ӯ ақле ҳаст ё гӯш фаро медорад дар ҳоле ки ҳозир аст», на касоне ки хабари онро ба сурати ғиёбӣ ва аз ҷоӣ дур мешунаванд ва ба он Ҳазрат нисбат медиҳанд; Чунонки ба эътироз фармудааст: ﴿أُولَٰئِكَ يُنَادَوْنَ مِنْ مَكَانٍ بَعِيدٍ﴾[4]; «Онон аз ҷоӣ дур нидо дода мешаванд» Ва фармудааст: ﴿وَيَقْذِفُونَ بِالْغَيْبِ مِنْ مَكَانٍ بَعِيدٍ﴾[5]; «Ва дар ғойиб аз ҷоӣ дур нисбат медиҳанд» Ва ин дар ҳоле аст ки хабари мутавотир он барои ояндагон кофӣ нест ва истемоъи ҳузурии он барои онон муҳол аст ва рӯшан аст ки ин тангноӣ барои онон шумурда мешавад.

[Лузуми ҷаъли халифае барои Паёмбар бар Худованд]

Аз инҷо дониста мешавад ки ҷаъли имконе барои дасрасӣ яқинии ояндагон ба суннати Паёмбар, бар Худованд воҷиб аст; Чароки ниёз ба суннати Паёмбар ба аҳли замони он Ҳазрат маҳдуд нест ва шомили ояндагон низ мешаванд; Бо таваҷҷуҳ ба инки ояндагон низ монанди аҳли замони он Ҳазрат, бидуни дастрасии яқинӣ ба суннати он Ҳазрат, ба ҷузъиёт ва масодиқи аҳкоми Худованд яқин намеёбанд ва бидуни яқин ба он, қодир ба иқомаи Ислом ба сурати холис ва комил нестанд ва табъан ба камоли худ ва растгорӣ аз завол, нойил намешаванд; Дар ҳоле ки дастрасӣ яқинии онон ба суннати Паёмбар, ба сабаби адами дастрасии онон ба он Ҳазрат ва адами ривояти ҳамаи суннати он Ҳазрат ба сурати мутавотир, барои онон мумкин нест ва ин барои онон ҳуҷҷате бар Худованд шумурда мешавад; Бо таваҷҷуҳ ба инки адами дастрасӣ яқинии онон ба сунна