آیت ۲
قَالَ اللَّهُ تَعَالَى:
﴿وَمِمَّنْ خَلَقْنَا أُمَّةٌ يَهْدُونَ بِالْحَقِّ وَبِهِ يَعْدِلُونَ﴾[۱]
ترجمہ:
خداوند متعال فرماتا ہے:
«اور جنہیں ہم نے پیدا کیا ہے ان میں ایک جماعت ایسی ہے جو حق کے مطابق ہدایت کرتی ہے اور اسی کے مطابق عدل کرتی ہے»۔
ملاحظہ
أَخْبَرَنَا عَبْدُ اللَّهِ بْنُ مُحَمَّدٍ الْبَلْخِيُّ، قَالَ: سَأَلْتُ الْمَنْصُورَ عَنْ قَوْلِ اللَّهِ تَعَالَى: ﴿وَمِمَّنْ خَلَقْنَا أُمَّةٌ يَهْدُونَ بِالْحَقِّ وَبِهِ يَعْدِلُونَ﴾، فَقَالَ: هُمْ أَئِمَّةُ الْهُدَى وَالْعَدْلِ، ثُمَّ قَالَ: لَا يَزَالُ فِي الْخَلْقِ رَجُلٌ يَهْدِي بِالْحَقِّ وَبِهِ يَعْدِلُ، إِنْ يُطِيعُوهُ يُفْلِحُوا، وَإِنْ يَعْصُوهُ يَهْلِكُوا! وَاللَّهِ إِنَّ هَذَا لَبَيِّنٌ وَلَكِنَّ أَكْثَرَهُمْ لَا يَعْلَمُونَ!
ترجمہ:
عبد اللہ بن محمّد بلخی نے ہمیں خبر دی ہے، وہ کہتے ہیں: منصور سے میں نے خدا کی اس آیت کے متعلق سوال کیا کہ جسمیں ارشاد ہوتا ہے: «اور جنہیں ہم نے پیدا کیا ہے ان میں ایک جماعت ایسی ہے جو حق کے مطابق ہدایت کرتی ہے اور اسی کے مطابق عدل کرتی ہے»، پس آپ نے فرمایا: وہ لوگ ہدایت و عدالت کے امام ہیں، پھر آپ نے فرمایا: ہمیشہ لوگوں کے درمیان ایک ایسا مرد ضرور ہوتا ہے جو لوگوں کو حق کی طرف ہدایت کرتا ہے اور انکے درمیان عدالت سے کام لیتا ہے، اگر لوگ اسکی اطاعت کریں، کامیاب ہو جائیں گے اور اگر لوگ اسکی نافرمانی کریں گے ہلاک ہو جائیں گے! خدا کی قسم یہ بات واضح اور روشن ہے جبکہ اکثر لوگ اس سے واقف نہیں ہیں!