Нависандаи пурсиш: Алӣ Розӣ | Тарихи пурсиш: 21/11/2015 |
Назари аллома Мансури Ҳошимии Хуросонӣ дар мавриди роҳпаймойии арбаъини Ҳусейнӣ ки дар солҳои ахир бо шӯри бештаре баргузор мешавад чист?
Посух ба пурсиши шумораи: 2 | Тарихи посух ба пурсиш: 23/11/2015 |
Агар мардум аз «Роҳпаймойии арбаъини Ҳусейнӣ», рафтани гурӯҳе ба зиёрати қабри Ҳусейн ибн Алӣ дар рӯзи бистуми Сафар аст, ишколе надорад, машрут ба инки бо бидъатҳое монанди қамазанӣ, занҷирзанӣ, синазанӣ ва ҳамли салиб ва низ маъсиятҳои монанди дурӯғ бастан бар он ҳазрат ва ихтилоти занон ва мардони номаҳрам ба якдигар ҳамроҳ набошад ва ба ҳукумати золимон ки гоҳ дар садади баҳрабардориҳое аз ин қабил корҳо ба суди худ ҳастанд ёрӣ нарасонад.
Шумораи таълиқ: 1 | Нависандаи таълиқ: Гулистон | Тарихи таълиқ: 8/11/2017 |
Мумкин аст дар мавриди муносибати арбаъин тавзиҳ бифармойед? Оё корвони ҳазрати Зайнаб ва имоми Саҷод дар бозгашт ба Мадина аз Шом дар арбаъин аз Карбало гузаштанд?
Муташаккирам
Посух ба таълиқи: 1 | Тарихи посух ба таълиқ: 10/11/2017 |
«Арбаъин» ба маънои чиҳилум дар истилоҳи аҳли ташаюъ бар рӯзи бистуми Сафар итлоқ мешавад ки чиҳилумин рӯз пас аз Ошуроъ -рӯзи шаҳодати имом Ҳусейн алайҳи салом ва аҳли байт ва ёронашон дар Карбало- аст. Машҳур аст ки дар ин рӯз аз соли 61 ҳиҷрӣ, Ҷобир ибни Абдуллоҳи Ансорӣ саҳобаӣ бузургвори Расули Худо саллаллоҳу алайҳи ва олиҳи ва саллам ба зиёрати қубури шуҳадо омада ва суннати зиёрати онон дар ин рӯзро бунён ниҳода[1] ва ривояте низ расидааст ки дар ин рӯз корвони бозмондагони Карбало дар бозгашт ба Мадина аз Шом ба зиёрати қубури онон омадаанд[2], вале чунин рӯйдоде собит нест ва дар ривоёти машҳур зикре аз он ба миён наёмадааст[3]. Албатта омадани Ҷобир ба зиёрати қубури шуҳадо дар рӯзи чиҳил низ ба сабаби хусусияте барои ин рӯз набуда; Чароки хусусияте барои рӯзи чиҳилум пас аз даргузашти касе собит нест, балки иттифоқан дар ин рӯз воқеъ шуда ва баъдҳо тавассути шиъа бо назар ба ривоёте аз аҳли байт[4] суннат гирифта шуда ва дар солҳои ахир равнақи бисёре ёфтааст.
Қадри мусаллам ин аст ки зиёрати қабри имом Ҳусейн алайҳи салом ва аҳли байт ва ёронаш, дар ҳар рӯзе хуб аст ва рӯзи арбаъин низ аз ин қоъида мустасно нест, машрут ба инки аз бидъат, маъсият ва иъонати золимон пироста бошад[5].