Нависандаи пурсиш: Ризо Розӣ | Тарихи пурсиш: 3/9/2016 |
Оё барои масси Қуръон воҷиб аст вузу гирифта шавад? Масси номи Паёмбар ва аҳли байти Ӯ чи тавр?
Посух ба пурсиши шумораи: 2 | Тарихи посух ба пурсиш: 4/9/2016 |
Масси Қуръон бидуни таҳорати шаръӣ ҷойиз нест; Ба далили зоҳири сухани Худованд ки фармудааст: ﴿لَا يَمَسُّهُ إِلَّا الْمُطَهَّرُونَ﴾[1]; «Ҷуз покизагон онро мас намекунанд» Ва ба далили умуми сухани Худованд ки фармудааст: ﴿وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ﴾[2]; «Ва ҳар кас шаъоири Худовандро бузург дорад, он аз тақвои дилҳост»; Ҳамчунонки эҳтиёти воҷиб дар тарки масси ﴿اسْمُ اللَّهِ﴾ бидуни таҳорати шаръӣ аст; Чароки он қадосати хоссе дар дин дорад; Чунонки яке аз ёронамон моро хабар дод, гуфт:
«ما وَجَدْتُ اللّهَ فِي صَدْرِ عَبْدٍ أَعْظَمَ مِنْهُ فِي صَدْرِ الْمَنْصُورِ فَسَمِعْتُهُ یَقُولُ: لَیَنْبَغِي لِمَنْ یَذْکُرُ اسْمَ اللّهِ عَلَى غَیْرِ وُضوءٍ أَنْ یُضْرَبَ عُنُقُهُ وَ لَكِنَّ اللّهَ قَدْ عَفَى عَنْهُ»; «Худовандро дар синаи бандаи азимтар аз ӯ дар синаи Мансур наёфтам, пас шунидам ки мефармояд: Ҳароина барои касе ки номи Худовандро бидуни вузу мебарад шойиста аст ки гарданаш зада шавад, вале Худованд ӯро авф фармудааст»!
Оре, масси номи Паёмбар ва аҳли байти Ӯ бидуни таҳорати шаръӣ –бино бар асли ибоҳа– ҷойиз аст, ҳар чанд тарки он аз боби бузургдоши шаъоири Худованд, некуст.