Нависандаи пурсиш: Баётӣ

Тарихи пурсиш: 30/5/2016

Салом бар пӯяндагони роҳи ҳақ ва ҳазрати Мансури Ҳошимии Хуросонӣ ҳафизаҳуллоҳ

Як суъол аз маҳзари бузургворон дорам: Назари ҳазрати аллома дар мавриди шаби қадр чист? Оё шабҳойе ки шиъаён лаёлии қадр медонанд саҳиҳ аст?

Посух ба пурсиши шумораи: 3

Тарихи посух ба пурсиш: 1/6/2016

Миёни мусалмонон ихтилофе нест ки яке аз се шаби моҳи мубораки Рамазон «Лайлатулқадр» аст; Ба ин тартиб ки бештари онон яке аз шабҳои бисту якум, бисту севвум ва бисту ҳафтум ва бархӣ аз онон яке аз шабҳои нуздаҳум, бисту якум ва бисту севвумро «Лайлатулқадр» медонанд ва бо ин васф, дар бораи ду шаб бисту якум ва бисту севвум миёни онон ихтилофе нест, вале дар бораи шаби нуздаҳум ё бисту ҳафтум миёни онон ихтилоф вуҷуд дорад, дар ҳоле ки шаби нуздаҳум мувофиқ бо назари аҳли байти Паёмбар саллаллоҳ алайҳи ва олиҳи ва саллам аст ва аз ин рӯ, бино бар ҳадиси шарифи «Сақалайн» саҳиҳ шумурда мешавад; Чунонки яке аз ёронамон моро хабар дод, гуфт:

«سَأَلْتُ الْمَنْصُورَ عَنْ لَیْلَةِ الْقَدْرِ، فَقالَ: لَو عَیَّنَها رَسُولُ اللّهِ صَلَّی اللّهُ عَلَیْهِ وَ آلِهِ وَ سَلَّمَ لَعَیَّنْتُها لَکُمْ وَ لَكِنِ الْتَمِسُوها فِي لَیْلَةِ تِسْعَ عَشْرَةَ وَ لَیْلَةِ إِحْدَى وَ عِشْرِینَ وَ لَیْلَةِ ثَلاثٍ وَ عِشرِینَ، قُلْتُ: أَلَیْسَتْ لَیْلَةُ سَبْعٍ وَ عِشرِینَ؟ قالَ: نِعْمَتِ اللَّیْلَةُ لَیْلَةُ سَبْعٍ وَ عِشْرِینَ»; «Аз ҳазрати Мансур дар бораи шаби қадр пурсидам, пас фармуд: Агар Расули Худо саллаллоҳу алайҳи ва олиҳи ва саллам онро таъйин мекард онро бароятон таъйин мекардам, вале онро дар шаби нуздаҳум ва шаби бисту якум ва шаби бисту севвум биҷӯйед, Гуфтам: Оё шаби бисту ҳафтум нест? Фармуд: Шаби бисту ҳафтум хуб шабе аст»!