Ҷумъа 30 Июл 2021 мелодӣ баробар бо 20 Зулҳиҷҷа 1442 ҳиҷрӣ қамарӣ
Точикӣ
فارسی العربية English Русский
Мансури Ҳошимии Хуросонӣ
(26) Мансури Ҳошимии Хуросонӣ даъвати худ ба сӯӣ заминасозӣ барои зуҳурӣ Маҳдиро бар эътиқод ба вуҷуди ӯ дар ҳоли ҳозир мубтанӣ насохта то барои нобоварони он қобили иҷобат набошад, балки тасриҳ фармуда ки заминасозӣ барои зуҳури ӯ, ҳатто бино бар адами эътиқод ба вуҷудаш дар ҳоли ҳозир, зарурӣ аст. (Бахши: Пурсишҳо ва посухҳо)
loading
Нақдҳо ва баррасиҳо
Рафтан ба
коди
Ибтидо/23456/Интиҳо
Рафтан ба
саҳифаи
Нақдҳо ва баррасиҳо дар бораи
Код Шумора Код Мавзӯъ ва матни нақд Нависандаи нақд Тарихи нақд Таълиқ
29 29
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Иқдомот ва аҳдоф
Хаста набошед. Ба назари шумо оё метавон ба зуҳури имом Маҳдӣ умедвор буд вақте мардум ин гуна дучори каҷфаҳмӣ шудаанд ва аз тарафӣ уламо ва рҳбарони ҷомеъа ки улгуӣ динии мардум ҳастанд он гунаанд ки аз тарсашон наметавон ин ҳақиқати ошкорро ҳатто баён кард ки имом Маҳдӣ агар аз ноҳияи раҳбарони ҷомеъаи Исломӣ ва мардуми мусалмон ҳимоят шавад ва ҷонаш ҳифз бошад ва артишу сарбоз дошта бошад ҳатман зуҳур хоҳад кард, на сирфан бо дуъо барои зуҳураш!! Метавон бо ин авсоф ба зуҳури имом Маҳдӣ умед дошт? Ва чи бояд кард? Бо сипоси фаровон аз ранҷҳо ва заҳамоте ки дар ин ғурбат ва танҳоӣ мутаҳаммил мешавед ва мазлумона ба ҷанги ҷаҳл ва бехабарӣ рафтаед. Дар паноҳи Худованд ва мувафақ бошед.
Зуҳра. М 28/10/2015
28 28
Муқаддамот; Ҳуҷҷат; Халифаи Худованд; Зарурат ва сифоти халифаи Худованд
Баҳси ақлонист ва лузуми он ва ҳамхонӣ бо шариъатро комилан хондам ва баҳсҳои дигар дар дасти мутолиъа аст. Аз инки муқаллид ва тақлидро бозшикофӣ кардаанд бисёр хурсанд шудам ва аммо инки хотимияти Паёмбари Исломро бо имомат васл кардаанд на ақлонӣ ёфтам ва на мувофиқи Қуръон; Ақлонӣ аз инки 11 имом дар даврони кӯтоҳе аз торих меоянд ва мераванд ки ҳеҷ кадом аз он бузургворон, рисолаӣ набигуна бар башарият надоштаанд, ило Ҳусейн (а) ки золимситезиро омӯзиш дод ва пайравонаш мутаъассифона дар маросими азодории он бузургвор, худ зулмпарвар шудаанд. Ҳузур ва зуҳури 11 имом ва қатъи ногаҳонии рисолати ононро мухолифи адолати Илоҳӣ ёфтам ки бар уммати ҳозир рафтааст ё ки инро шайтанате бар алайҳи Ислом ва ташобеҳ ба силсила маротиби шоҳаншоҳӣ медонам ки муллоён барои худ сохта ва пардохта ва дунёи худро пур кардаанд (дакокин). Ишора ба ояҳои «وَنُرِيدُ أَنْ نَمُنَّ» ва оёти муносиби он ҳеҷ гуна исботи зуҳури имом Маҳдиро башорат намедиҳад, балки бештар насли башар ба такомули фикрӣ ва ақлонии ӯ аст ки ҷаҳони ояндаро хоҳад сохт ва дину динбозӣ ҳам хотима меёбад (ояҳои «فِطْرَتَ اللَّهِ الَّتِي فَطَرَ النَّاسَ» муъаяди ин башорат аст) ва ҳазорон ва ва ва-и дигар. Чи хуб буд ки рӯй дар рӯй ин баҳс идома медошт.
Исҳоқ Ҳамид 28/10/2015
27 27
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Ёрон ва дӯстдорон
Пас аз шукр ва сипоси Худованд ба хотири гушудани дари раҳмат ва ҳидоят ба рӯйи бандаи саропо тақсирӣ чун ман, аз ҳазрати аллома Ҳошимии Хуросонӣ ба хотири рӯшан намудани масири ҳидоят ва таҳаммули тамоми ранҷҳои ин масир сипос ва қадрдонӣ менамоям. Чанд рӯзе аст китоби шарифи эшонро мутолиъа намуда ва аз матолиби муфиди сайт баҳра мебарам. Аз онҷо ки матолиб, баёнгари ҳақ мебошад бар умқи ҷон менишинад ва моро аз хоби ғафлат бедор карда таҳаввулӣ шиграф эҷод менамояд, то онҷо ки барои фурсатҳои аз даст рафтаи худ афсӯс мехурам. Бошад ки Худоӣ Раҳмон аз дари раҳмат, неъмати фаҳми дақиқи ин ҳақоиқ ва амал ба онро ба мо иноят фармояд. Мутолиъаи дидгоҳҳои мавҷуд дар сайт низ бисёр дар дарк ва фаҳми матолиб ёриям намуда ва боъиси ҳаракат ва иштиёқӣ беш аз пеш барои касби маърифат шудааст. Аз лутф ва заҳмати эшон ва ҳами ёронашон бисёр сипосгузорам ва аз Ҳазрати Ҳақ саломатӣ ва ёрии рӯзафзуни эшонро хоҳонам. Аз эшон низ илтимоси дуъо дорам.
Илҳом. Ҳ 24/10/2015
26 26
Муқаддамот; Илм; Мавонеъи касби илм; Тақлид
Дар мавзӯъи тақлид, дар бораи ояи 122 сураи Тавба, чигуна метавон посух дод? Бо ташаккр
Субҳон 17/08/2015
25 25
Муқаддамот; Илм; Вазоъиф ва аъмоли олимон
Бо ташаккур аз сойти ғанӣ ва мутафовити шумо. Ман китоби «Бозгашт ба Ислом» ро мутолиъа кардам ва ҳамаи матолиби онро маъқул ва мутобиқ бо оёт ва ривоёти мутавотир ёфтам ва хатои хоссе дар он надидам, вале воқеъи матлаб, чанде пеш онро ба оятуллоҳи ... [яке аз олимони шиъа дар Эрон] ки аз асотиди банда ҳастанд нишон додам то назари худро дар бораи он бигӯянд ва эшон ба шиддат онро рад карданд ва гуфтанд ки ин як китоби инҳирофӣ аст ва лизо ман ба шак афтодам ва ҳоло намедонам ки оё ин як китоби инҳирофӣ аст ва ман мутаваҷҷеҳи инҳирофоти он намешавам ё инки як китоби ҳидоятбахш ва муъаррифи Исломи ҳақиқӣ аст ва устоди банда иштибоҳ мекунад?
Асғарзода 26/07/2015
24 24
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Иқдомот ва аҳдоф
Чанд суъол: 1. Дар саҳифаи 206 китоб, калимаи «Изни Худо» дақиқан манзур чист ва аз куҷо маълум шуда ки ҳазрати Мансур ва ҳамроҳонаш чунин изне доранд ва дигароне мисли фалон шахс [яке аз ҳокимони Эрон] чунин изне надоштаанд? Лутфан сариҳу қотеъ ва бидуни мусомиҳа бифармойед. 2. [Дар робита бо] саҳифаи 296 китоб [ки гуфтаанд ҳар чи бештар дар пайи мардумони шойиста гаштаам камтар ёфтаам], то кунун ба куҷоҳо сафар намуда ва бо чи ё беҳтар бигӯям чигуна шахсиятҳое мулоқот намудаанд ки ба ин натиҷа расидаанд ки гӯё замин аз мардумони шойиста холӣ аст?!! 3. Дар саҳифаи 313 ва 314 бо истифода аз оёти Қуръон истинбот кардайед ки ҳокимони феълӣ ҳамагӣ! Тоғут ҳастанд ва аз ҷумла фалонӣ! Лутфан бо суғро ва куброи комил ва рӯшан ва бо истедлоли саҳиҳ ва баййинаи рӯшан бифармойед чигуна эшон ҳамагӣ тоғут ҳастанд ва шумо ба Маҳдӣ даъват мекунед? 4. Дар саҳифаи 337 калимаи «Оётӣ қатъӣ» истифода шудааст! Оё метавонам суъол кунам ояти қатъии ҳазрати Мансур аз тарафи ҳазрати Маҳдӣ чист? Бо ташаккур ва имтино; Банда қасд дорам агар тағйири масире додам ҳамон ҳиҷрати Илаллоҳ бошад ва намехоҳам ки тағйири масир бидуни шинохти кофӣ бошад. Лизо узри банда дар пурсиши ин гуна суъолотро бипазиред ва иддаъое ҳам надорам бо бизоъат музҷоти дониши худам суъолотам бархоста аз дарки болоям буда бошад, балки изъони комил дорам фаҳми худам қосир аст вагарна ҳам ҷумалоти [китоб] гӯё ва ҷомеъ ва ҳам гӯяндаи тавоност.
Ҳасан Алӣ 26/06/2015
23 23
Ақойид; Шинохти хулафоъи Худованд; Итрат ва аҳли байти Паёмбари хотам
Дар саҳифаи 205 китоби [Бозгашт ба Ислом] аз ояи Қуръонӣ истинбот шудааст ки агар онҳо [яъне авлиёъи шайтон] ба шумо таъаддӣ карданд шумо низ ба онҳо таъаддӣ кунед, вале мо дар сираи аъиммаи аҳли байт ва пешвоёни динӣ мебинем ки онҳо ба қавоъиди ҳатто сохта ва вазъ шудаи душманоннашон пойбанд буданд ва ҳаргиз ба баҳонаи бе қонунии онҳо, ба бе қонунӣ ва корҳои ғайри қонунӣ даст немезаданд. Лизо шумо чигун таваққуъ доред ҳамроҳонатон ки дар воқеъ мусалмонон ҳастанд ба ин гуна аъмол даст бизананд? Вонгаҳе аз куҷо маълум, касоне ки шумо омили шикаст ё адами мувафақияташон мешавед дақиқан ҳамононе ҳастанд ки омили шикаст ё адами мувафақияти шумо ё соири мусалмонон шудаанд?
Ҳасан Алӣ 26/06/2015
22 22
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Ҳуввият ва сифот
Суъолоте дорам ки хеле мухтасар ба арз мерасонем. Лутфан сариҳ ва кӯтоҳ посух бифармойед. 1. Ҳавзаи илми ва ё тадриси ҷаноби аллома куҷост? 2. Дар китоби Бозгашти аллома ки мутолиъа намудам, бештари пояҳои истедлоли фақат бар яке аз кубро ё суғрое истедлоли нозир буд ва ин сиҳҳати истинтоҷро дучори хадша мекунад. Эшон чаро барои истинтоҷи ҳар ду қисмати суғро ва куброро мустадал нанамудаанд? 3. Агар касе бихоҳад дар мавриди ҷаноби аллома таҳқиқи мустақиме монанди мушоҳидаи авзоъ ва тарзи зиндагӣ ва сулуки эшон бинамояд, чигуна бояд чунин кунад? Суъолоти дигаре низ дорам ки ба мурур хоҳам пурсид. Бо ташаккур
Ҳасан Алӣ 20/06/2015
21 21
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Ҳуввият ва сифот
Гӯё эшон қасд доранд худро саййиди Хуросонӣ муъаррифӣ кунанд; Чун зоҳир чунон нишон медиҳад, аммо мутмаъинан эшон ҳеҷ тафовуте бо уламои пучи шиъа надоранд. Масалан дар китоби «Бозгашт ба Ислом» навишта ман на шиъа ва на суннии мусталаҳ ҳеҷ кадом нестам; Балки эшон як шиъаи воқеъии мусталаҳ ҳастанд, чун тибқи ақойиди шиъа рафтор мекунанд. Барои мисол саййиди Хуросонӣ сохта ва пардохтаи ҷаҳони ташаюъ ҳаст ва «Ал-Байъату Лиллоҳ» ва парчами сиёҳ ва Мансури Хусосонӣ танҳо дар ақойиди шиъа ва аҳодиси хурофии онон пайдо мешавад.
Муҳаммад Сиддиқ 14/06/2015
20 20
Аҳком; Фуруъ
Саволоте доштам: 1 . Агар Худованд мехост закотро бар банӣ Ҳошим ҳаром кунад оё онро дар Қуръон намегуфт? Оё нагирифтани закот дар садри Ислом тавассути ин хонадон, нишонаи зуҳд ва қаноъати онон набудааст? 2 . Чи далиле вуҷуд дорад ки нисфи хумс танҳо ба ятимон ва мискинон ва дар роҳ мондагон аз хонадони Ҳошимӣ мерасад? 3 . Оё пардохти хумс ва закот шабеҳ ба сойири аҳкоми ҷазоъии Қуръон аст ки аз назари ҷаноби Мансур, иқомаи онҳо машрут ба хилофати халифаи Худо дар замин аст?
Беҳном 03/06/2015
19 19
Муқаддамот; Ақл
Оё ақли ҳар фард инқадр болиғ ҳаст ки битавонад меъёри ташхис бошад?
Муҳаммад Тақавӣ 30/05/2015
18 18
Муқаддамот; Илм; Мавонеъи касби илм; Тақлид
Банда суъоле доштам. Дар замони ҳазрати Паёмбар ва хулафоъи ӯ, иддае аз мардум дар ҷои дур аз онон сокин буданд ва дастрасӣ ба онон надоштанд то динашонро фаро бигиранд ва суъолоташонро бипурсанд. Бинобарин Паёмбар ва хулафоъи ӯ, як фардро ба унвони намояндаи худ дар он шаҳр ё минтақа муъаррифӣ мекарданд ва мардум аз ӯ динашонро фаро мегирифтанд. Ҳол суъол инҷост: Оё он фарди мансуб шуда, маъсум буда? Оё мумкин набудааст ки иштибоҳ посух диҳад? Бинобарин читавр мардум ба гумроҳӣ кашида намешуданд? Чигуна ҳидояти Худованд бо вуҷуди як воситаи ғайри маъсум бидуни каммӣ ва костӣ ба мардум мерасадааст?
Соҳил Озодӣ 15/05/2015
17 17
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Ҳуввият ва сифот
Лутфан дар сурати салоҳдид, ҳадиси зерро дар сойт дарҷ намойед: Расули Худо саллаллоҳу алайҳи ва олиҳи ва саллам фармуд: «Ҳангоме ки парчамҳои сиёҳ аз Хуросон ба роҳ афтод ба сӯяш бишитобед агарчи бо синахез рафтан бар рӯйи барфҳо; Чароки соҳибони он парчамҳо аҳл ҳақ ҳастанд. Ҳақро мутолиба мекунанд, вале ба онҳо дода намешавад, бори дигар мутолиба мекунанд, вале ба онҳо дода намешавад, пас набард мекунанд ва пирӯз мешаванд ва ончи мехостад ба онҳо дода мешавад, вале дигар намепазиранд. Гӯйи бо чашми худ мебинам ки шамшерҳои худро ҳамойил кардаанд ва пеш метозанд то парчамҳоро ба Маҳдӣ алайҳи салом таслим кунанд. Огоҳ бошед ки онҳо ёрони Маҳдӣ ҳастанд ва заминаи ҳукумати ӯро фароҳам месозанд. Дилҳошон чун пораҳои оҳан аст».
Ҷамъе аз ҷавонони дӯстдорони ҳазарти Маҳдӣ 23/04/2015
16 16
Муқаддамот; Илм; Мавонеъи касби илм; Тақлид
Пас аз мутолиъаи китоб суъолоте барям матраҳ шуд ки ба мизони ҳавсала теъдоде аз онҳоро матраҳ мекунам. Қаблан ба хотири посухгӯйии самимона ташаккур мекунам. Дар матни китоб омадааст: «Ихтилофи онон [олимони мусалмон] бо якдигар дар гуфтаҳо ва кардаҳошон, фоҳиш ва фаровон аст; Дар ҳоле ки ҳақ, мусалламан гуфта ё кардаи воҳиде аст ва қобилияти таъаддуд ва такассур надорад ва бо ин васф, пайравии онон, аз як сӯ мутаноқиз ва бемаъност ва аз сӯӣ дигар, ба ихтилофи мусалмонон меанҷомад; Ҳамчуноки ба он анҷомидааст; Чароки ихтилофи мусалмонон дар ақойид ва аъмолашон, беш аз ҳар чиз, маълули пайравии онон аз олимони мухталиф аст». Ҳол инки ҳамин гуфта нишон медиҳад байни бардошти 2 нафар ки на танҳо аз касе тақлид намекунанд, балки динро бо тафаққуҳ дар оёт ва ривоёт гирифтаанд низ мумкин аст ихтилоф ба вуҷуд биёяд; Яъне наметавон ба таври қатъӣ гуфт мусалмонон бо тафаққуҳ ба як бардошти воҳид мерасанд ва дар натиҷа тибқи истедлоли худи китоб танҳо яке аз ин бардоштҳо саҳиҳ аст ва бақия нодуруст аст ва ин яъне мо боз ҳам мусалмононе хоҳем дошт ки талаққии носаҳиҳе доранд ва инҷо чи тафовуте байни натиҷаи ин 2 равиш аст? Албатта суъоли дигар низ ин аст ки дар китоб омадааст: «Пайравӣ аз онҳо [яъне олимон], мубтани бар занни пайравонашон ба мутобиқати гуфтаҳо ва кардаҳои онҳо бо шаръ аст» ки бо таваҷҷуҳ ба таъкиди нависанда бар яқини ақлӣ, мутаъассифона далили ақлӣ барои ин масъала зикр накардаанд. Албатта ин нуктаи лозим ба зикр аст ки дар сурати муроҷиъа ба мароҷеъи тақлид ва дархости далили ақлӣ аҳком ва фатово ва истинод ба оёт ва ривоёт, онон дариғ накарда ва дар ихтиёр мегузоранд. Ташаккур
Саййид Эҳсон 22/03/2015
15 15
Ақойид; Шинохти хулафоъи Худованд; Маҳдӣ; Мансур заминасози зуҳури Маҳдӣ; Иқдомот ва аҳдоф
Бо салом ва арзи адаб ва эҳтиром. Мехоҳам назари шуморо дар бораи пешравиҳои артиши Ироқ дар вилоятҳои таҳти султаи доъиш ва шикасти доъиш дар Ироқ ва саркӯби он дар Сурия ҷӯё шавам. Ба назаратон бо нобудии доъиш дар Ироқ ва Сурия оё боз ҳам далиле барои ҷиҳод ҳаст? Чун шумо роҳи худро баён накардайед ё комилан рӯшан баён нанамудайед. Бо фароҳам намудани неру дар Осиёи миёна бояд аз Эрон убур кунед ки иҷоза нахоҳанд дод. Баъд бояд ба Ироқ биравед ва баъд ба Сурия ва Фаластин. Оё ин чунин роҳе ҳаст ё на? Ҳадаф чи манотиқе аст? Шумо аз мубориза сӯҳбат кардед вале аз каммият ва кайфияти он на. Бо чи абзоре? Фақат абзори фарҳангӣ кофӣ аст ё на? Агар ҳадаф исроъил аст ки ҳар гуна иқдоми низомӣ алайҳи он ниёз ба ҳимояти ҳама ҷонибаи мусалмонон дорад ки дар ғайри ин сурат бо ҳимояти ҳама ҷонибаи ғарб аз исроъил муваҷҷаҳ хоҳем шуд. Назари шумо дар ин бора чист?
Муҳаммад 09/03/2015
Рафтан ба
коди
Ибтидо/23456/Интиҳо
Рафтан ба
саҳифаи
Донлуди маҷмӯъаи нақдҳо ва баррасиҳо
Нақдҳо ва баррасиҳо; Бозгашт ба Ислом; Мансури Ҳошимии Хуросони
Ҳар гуна истифода ва бардошт аз матолиби ин пойгоҳ бо зикри манбаъ биломонеъ аст.
×
Вуруд ба пойгоҳ
Рамзро фаромӯш кардаед?
Узвият дар пойгоҳ
Инсироф
loading
×
Узвият дар хабарнома
Лутфан коди амниятиро ворид кунед.
Captcha
loading