Якшанбе 17 ноябр 2019 мелодӣ баробар бо 20 рабеъ-ул-аввал 1441 ҳиҷрӣ қамарӣ
     
Мансури Ҳошимии Хуросонӣ
* Китоби шарифи <<Ҳиндисаи Адолат>> асарӣ арзишманд аз аллома Мансури Ҳошимии Хуросонӣ ҳафизаҳуллоҳ таъоло мунташир шуд. * Бахши «Номаҳо» ҳовии номаҳое аз ҳазрати аллома Мансури Ҳошимии Хуросонӣ ҳафизаҳуллоҳ таъоло роҳандозӣ шуд. * Дарсҳои шайх Солеҳи Сабзаворӣ бо мавзӯъи шарҳи китоби «Бозгашт ба Ислом» дар бахши «Шарҳҳо» қобили дастрасӣ аст. * Китоби шарифи <<Бозгашт ба Ислом>> навиштаи ҳазрати Мансури Ҳошимии Хуросонӣ бо хазинаи ҷамъе аз мӯъминони некукор ва ба сурати вақф мунташир шуд. * Саҳифаи расмӣ дафтари ҳифз ва нашри осори Мансури Ҳошимии Хуросонӣ дар шабакаи иҷтимоъии фесбук роҳандозӣ шуд.
loading

Хондани пурсиш ва посух

   
Мавзӯъи аслӣ:

Ақойид

Шумораи пурсиш: 2 Коди пурсиш: 165
Мавзӯъи фаръӣ:

Шинохти охират; Аҳволи барзах, қиёмат, биҳишт ва дӯзах

Нависандаи пурсиш: Муҳаммад Ҳусейни Нурӣ Тарихи пурсиш: 24/07/2016

Зимни ташаккур ба хотири посухгӯйи ба суъолоти ҳақир, хоҳиш дорам оқоямон ҳазрати аллома Мансури Ҳошимии Хуросонӣ дар мавриди суъолоти зел роҳнамойи бифармоянд:

1 . Замоне ки маййит дар хок қарор мегирад дар шаби аввали қабр чи иттифоқе барои ӯ меафтад?

2 . Фишори қабр чигуна аст ва мӯъмин оё метавонад дар зиндании дунё коре кунад ки ин сахтӣ аз ӯ бардошта шавад?

3 . Амвот баъд аз маргашон ба куҷо мераванд ва дар онҷо то замони қиёмат чи мекунанд?

4 . Оё метавонанд баъд аз марг ба назди хешонашон ки пештар мурдаанд бираванд?

5 . Оё метавонанд зиндагонро аз хуб ё бад будани ҷойгоҳашон мутталеъ кунанд?

Дар поён аз Худованди мутаъол масъалат дорам ҳарчи зудтар ҳамаи моро ба Маҳдии Фотимӣ бирасонад.

Посух ба пурсиши шумораи: 2 Тарихи посух ба пурсиш: 28/07/2016

Бародари мӯъмин!

Лутфан ба нукоти зер таваҷҷуҳ фармойед:

1 . Худованд ба оғози азоби ситамкорон аз <<Рӯзи аввали марг>> ишора карда ва фармудааст: «وَلَوْ تَرَىٰ إِذِ الظَّالِمُونَ فِي غَمَرَاتِ الْمَوْتِ وَالْمَلَائِكَةُ بَاسِطُو أَيْدِيهِمْ أَخْرِجُوا أَنْفُسَكُمُ ۖ الْيَوْمَ تُجْزَوْنَ عَذَابَ الْهُونِ بِمَا كُنْتُمْ تَقُولُونَ عَلَى اللَّهِ غَيْرَ الْحَقِّ وَكُنْتُمْ عَنْ آيَاتِهِ تَسْتَكْبِرُونَ» (Анъом/ 93); <<Агар ситамкоронро дар сахтиҳои марг бибинӣ дар ҳоле ки фариштагон дастҳои худро фароз овардаанд ва (ба онон мегӯянд:) ҷонҳотонро берун оваред! Имрӯз ба хотири чизе ки ба ноҳақ дар бораи Худованд мегуфтед ва дар баробари оёти Ӯ такаббур мекардед азоби хореро кайфар дода мешавед>>; Ҳамчунонки ба муҳосибаи аъмоли ҳамагон пас аз марг ишора карда ва фармудааст: «قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ» (Ҷумъа/ 8); <<Бигӯ ҳароина марге ки аз он мегурезед ҳамоно он ба шумо мерасад, сипас ба сӯӣ олими пинҳон ва пайдо бозгардонда мешавед, пас Ӯ шуморо аз амале ки анҷом медиҳед огоҳ мекунад>> Ва ин бино бар ривоёти мутваотир ва машҳур, ба воситаи ду фаришта анҷом мешавад ки дар қабр ба суроғи инсон меоянд ва аз ӯ дар бораи Худо ва Паёмбараш мепурсанд ва ӯро аз ҷойгоҳаш дар охират огоҳ мекунанд (нигоҳ кунед ба: Муснади Аҳмад, ҷ3, с233; Саҳиҳул Бухорӣ, ҷ2, с102; Саҳиҳул Муслим, ҷ8, с161; Сунани Абӣ Довуд, с2, с424; Сунани Тирмизӣ, ҷ2, с267; Сунани Нисоъи, ҷ4, с97; Ҳусейн ибни Саъид, Ал-Зуҳд, с86; Кулайнӣ, Ал-Кофӣ, ҷ3, с236); Ҳамчунонки аз ӯ дар бораи имомаш мепурсанд; Чароки дар рӯзи қиёмат ба ҳамроҳи имомаш фаро хонда мешавад; Чунонки Худованд фармудааст: «يَوْمَ نَدْعُو كُلَّ أُنَاسٍ بِإِمَامِهِمْ ۖ» (Исроъ/ 71); <<Рӯзе ки ҳар гурӯҳеро бо имомаш фаро мехонем>>! Ба ин тартиб, азоби ситамкорон аз рӯзи аввали марг ва пас аз муҳосибаи аъмоли солеҳи онон ки ҳамоно эътиқодоти онон аст оғоз мешавад ва табъан подоши некукорон низ ба ҳамин тартиб оғоз мешавад; Чунонки абди солеҳи Худо ҳазрати аллома Мансури Ҳошимии Хуросонӣ ҳафизаҳуллоҳ таъоло дар зимини хутбае фармудааст:

<<Ҳангоме ки мӯъминро дар гӯр мениҳанд метарсад; Пас Худо бӯи Биҳиштро ба машоми ӯ мерасонад то бадон ором гирад ва агар касе бӯи биҳиштро дар наёбад барои ӯ хайр хоста нашудааст. Сипас ҳеҷ чиз барои мӯъмин хушояндтар аз ин нахоҳад буд ки дӯстони Худоро дар канори худ меёбад ва ба онон унс мегирад. Онгоҳ пас аз даранге ки аз он гузире нест, дарӣ аз дарҳои Биҳишт ба рӯӣ ӯ гушуда мешавад, пас ӯ монанди домоде ки ба ҳаҷлаи арӯс дохил шавад, дар миёни дӯстони Худо ба Биҳишт дохил ва дидааш ба офоқи он рӯшан мегардад. Дар ин ҳангом бархӣ аз касоне ки бо ӯ ҳастанд мегӯянд: Вогузоридаш то худро бозёбад; Чароки ӯ аз дунё меояд. Пас вай дар сояи дарахте ё бар канори руде ё бар фарози тахте ё дар бархӣ хонаҳо менишинад ва барои ӯ чизе меоваранд то бихурад ва биёшомад ва чашмаш рӯшан бошад ва хастагии маргро бизудояд. Онгоҳ ба оромӣ дӯстони шойиста ва хешони некукори ӯ ки пештар аз дунё рафтаанд бар вай ворид мешаванд ва хушомадаш мегӯянд ва ӯ ба дидори онон ва онон ба дидори ӯ масрур мегарданд. Пас чунон мепиндорад ки аз сафаре бозомада ё аз хоби кӯтоҳе бархостааст. Сипас ӯро ба дидори Расули Худо саллаллоҳу алайҳи ва олиҳи ва саллам мужда медиҳанд ва бидуни мужда суруре дар ӯ ворид мешавад ки монанди он дар ӯ ворид нашуда бошад. Пас вай ба зиёрати он Ҳазрат ва ба зиёрати хулафоъи ӯ меравад ва мавриди инояти онон қарор мегирад. Онгоҳ ӯро дар Биҳиште ки Парвардигори меҳрубон вежаи ӯ сохтааст сокин мекунанд ва аз неъматҳои бепоёни он баҳраманд месозанд>> (Гуфтори 21).

2 . Аз ривоёти мутавотир ва машҳур дониста мешавад ки инсон дар қабр таҳти фишор қарор мегирад ва он фишоре барои руҳи ӯст ки баста ба хубӣ ва бадии аъмолаш, шиддат ва заъф дорад ва табъан бо таваҷҷуҳ ба инки камтар касе аъмоли баде надоштааст, камтар касе аз он раҳойи меёбад; То ҷойе ки ривоят шудааст ҳатто касе монанди Саъд ибни Мӯъози ансорӣ саҳобии бузурги Расули Худо саллаллоҳу алайҳи ва олиҳи ва саллам аз он раҳойи наёфт ва ин дар ҳоле буд ки ҳафтод ҳазор фаришта дар ташйиъи ҷанозааш ҳузур ёфтанд (нигоҳ кунед ба: Муснади Аҳмад, ҷ3, с360; Сунани Нисоъӣ, ҷ4, с400; Табаронӣ, Ал-Мӯъҷамул Кабир, ҷ6, с10; Байҳақӣ, Исботи азоби қабр, с83; Кулайнӣ, Ал-Кофӣ, ҷ3, с236). Лизо аз Расули Худо саллаллоҳу алайҳи ва олиҳи ва саллам ривоят шудааст ки фармуд: «لَوْ نَجا أَحَدٌ مِنْ ضَغْطَةِ ٱلْقَبْرِ لَنَجا سَعْدُ بْنُ مُعاذٍ» (Муснади Аҳмад, ҷ6, с55; Муснади ибни Ҷаъд, с233; Саҳиҳи ибни Ҳиббон, ҷ7, с379); <<Агар аҳаде аз фишори қаб раҳойи меёфт, ҳароина Саъд ибни Муъоз раҳойи меёфт>>! Бо ин ҳол, тардиде нест ки ислоҳи ақойид ва аъмол аз фишори қабр мекоҳад ва Худованд бо мӯъминон меҳрубон аст; Чунонки фармудааст: «مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآمَنْتُمْ ۚ وَكَانَ اللَّهُ شَاكِرًا عَلِيمًا» (Нисоъ/ 147); <<Худованд ба азоби шумо чи кор дорад агар шумо шукр бигзоред ва имон оваред?! Ва Худованд қадршиносӣ доност>>.

3 . Инсон пас аз марг баста ба роҳу равише ки дар зиндагии дунё доштааст ба яке аз се гурӯҳ мулҳақ мешавад; Муқаррабон, асҳоби рост ва асҳоби чап; Чунонки Худованд фармудааст: «فَلَوْلَا إِذَا بَلَغَتِ الْحُلْقُومَ ۝ وَأَنْتُمْ حِينَئِذٍ تَنْظُرُونَ ۝ وَنَحْنُ أَقْرَبُ إِلَيْهِ مِنْكُمْ وَلَٰكِنْ لَا تُبْصِرُونَ ۝ فَلَوْلَا إِنْ كُنْتُمْ غَيْرَ مَدِينِينَ ۝ تَرْجِعُونَهَا إِنْ كُنْتُمْ صَادِقِينَ ۝ فَأَمَّا إِنْ كَانَ مِنَ الْمُقَرَّبِينَ ۝ فَرَوْحٌ وَرَيْحَانٌ وَجَنَّتُ نَعِيمٍ ۝ وَأَمَّا إِنْ كَانَ مِنْ أَصْحَابِ الْيَمِينِ ۝ فَسَلَامٌ لَكَ مِنْ أَصْحَابِ الْيَمِينِ ۝ وَأَمَّا إِنْ كَانَ مِنَ الْمُكَذِّبِينَ الضَّالِّينَ ۝ فَنُزُلٌ مِنْ حَمِيمٍ ۝ وَتَصْلِيَةُ جَحِيمٍ» (Воқеъа/ 83-94); <<Пас чаро ҳангоме ки ҷон ба гулӯ мерасад ва шумо он ҳангом назора мекунед ва мо ба ӯ аз шумо наздиктарем, вале намебинед! Пас чаро агар шумо ҷазо дода намешавед, ӯро боз намегардонед агар рост мегӯйед?! Пас агар ӯ аз муқаррабон бошад, барои ӯ осойиш ва хуррамӣ ва Биҳиштӣ пурнеъмат аст ва агар ӯ аз асҳоби рост бошад, саломе барои ту аз асҳоби рост аст ва агар аз такзиб кунандагони гумроҳ бошад, барои ӯ пешкаше аст оби ҷӯшон ва расонданӣ ба Дӯзах аст>>! Бинобарин, пас аз марг, муқаррабон дар дараҷаи болотар ва асҳоби рост дар дараҷаи поёнтар аз Биҳишт ва асҳоби чап дар Дӯзах сокин мешаванд ва он масканӣ муваққати барои онон аст ки ба таносуби ақойид ва аъмоли аслишон барояшон сохта шудааст то рӯзи қиёмат ки ба аҷсоди худ боз мегарданд ва дар бораи ҳамаи ақойид ва аъмолашон муъохиза мешаванд ва муздҳои худро ба таври комил дарёфт мекунанд; Чунонки Худованд фармудааст: «كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ» (Оли Имрон/ 185); <<Ҳар касе чашандаи марг аст ва танҳо муздҳои худро дар рӯзи қиёмат ба таври комил дода мешавед>>.

Оре, ривоёти фаровоне дар манобеъи суннӣ ва шиъа бо ин мазмун расидааст ки арвоҳи дӯзахиён дар водии хушке наздик ба Яман ба номи <<Бараҳут>> гирд меоваранд (нигоҳ кунед ба; Абдурраззиқ, Ал-Мусаннаф, ҷ5, с116; Табаронӣ, Ал-Мӯъҷамул Авсат, ҷ4, с179; Муттақӣ, Канзул Уммол, ҷ14, с99; Барқӣ, Ал-Муҳосин, ҷ2, с573; Сақафӣ, Ал-Ғорот, ҷ1, с188; Кулайнӣ, Ал-Кофӣ, ҷ3, с246); Ҳамчунонки ривоёте дар манобеъи шиъа дар бораи гирд овардани арвоҳи биҳиштиён дар водии Ал-Салом Куфа расидааст (Кулайнӣ, Ал-Кофӣ, ҷ3, с243; Тувсӣ, Таҳзибул Аҳком, ҷ1, с266) Ва ин метавонад ба маънои он бошад ки эҳтимолан дарвозаи вуруди дӯзахиён ба Дӯзах пеш аз қиёмат, водии Бараҳут ва дарвозаи вуруди биҳиштиён ба Биҳишт пеш аз қиёмат, водии Ал-Салом аст.

4 . Арвоҳи биҳиштиён ба арвоҳи наздикони худ аз аҳли биҳишт, мулҳақ мешаванд; Чунонки Худованд фармудааст: «وَالَّذِينَ آمَنُوا وَاتَّبَعَتْهُمْ ذُرِّيَّتُهُمْ بِإِيمَانٍ أَلْحَقْنَا بِهِمْ ذُرِّيَّتَهُمْ» (Тур/ 21); <<Ва касоне ки имон оварданд ва фарзандонашон ононро дар имон пайравӣ карданд, фарзандонашонро ба онон мулҳақ мекунем>> Ва фармудааст: «جَنَّاتُ عَدْنٍ يَدْخُلُونَهَا وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۖ» (Раъд/ 23); <<Биҳиштҳои адно ки онон ва ҳар кас аз падарон ва ҳамсарон ва фарзандонашон ки солеҳ бошанд ба он дохил мешаванд>> Ва фармудааст: «رَبَّنَا وَأَدْخِلْهُمْ جَنَّاتِ عَدْنٍ الَّتِي وَعَدْتَهُمْ وَمَنْ صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۚ» (Ғофир/ 8); <<Парвардигоро! Онон ва ҳар кас аз падарон ва ҳамсарон ва фарзандонашон ки солеҳ астро ба биҳиштҳои адно ки ваъдаяшон додӣ дохил кун>> Ва фармудааст: «فَأَمَّا مَنْ أُوتِيَ كِتَابَهُ بِيَمِينِهِ ۝ فَسَوْفَ يُحَاسَبُ حِسَابًا يَسِيرًا ۝ وَيَنْقَلِبُ إِلَىٰ أَهْلِهِ مَسْرُورًا» (Иншиқоқ/ 7-9); <<Пас ҳар касе ки китобаш ба дасти рост дода шавад, ба зудӣ муҳосибаи осон мешавад ва шодмон ба сӯӣ хонаводааш боз мегардад>> Ва ин дар ҳоле аст ки дигарон аз надзикони худ мегурезанд ва дурӣ меҷӯянд; Чунокни Худованд фармудааст: «يَوْمَ يَفِرُّ الْمَرْءُ مِنْ أَخِيهِ ۝ وَأُمِّهِ وَأَبِيهِ ۝ وَصَاحِبَتِهِ وَبَنِيهِ ۝ لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ» (Абас/ 34-37); <<Рӯзе ки инсон аз бародараш мегурезад ва аз модар ва падараш ва аз ҳамсар ва фарзандонаш! Ҳар кас дар он рӯз коре дорад ки ӯро машғул месозад>>!

5 . Арвоҳи биҳиштиён орзу доранд ки зиндагонро аз ҳоли худ огоҳ созанд, вале ин ғолибан муяссар намешавад; Чароки бар хилофи маслиҳат ва ҳикмати Худованд аст; Чунонки дар бораи мӯъмини сураи Ёсин фармудааст: «قِيلَ ادْخُلِ الْجَنَّةَ ۖ قَالَ يَا لَيْتَ قَوْمِي يَعْلَمُونَ ۝ بِمَا غَفَرَ لِي رَبِّي وَجَعَلَنِي مِنَ الْمُكْرَمِينَ» (Ёсин/ 26 ва 27); <<Гуфта шуд ки ба Биҳишт дохил шав! Гуфт: Эй кош қавми ман медонистанд ки Парвардигорам манро омӯрзид ва аз гироми дошта шудагон қарор дод>> Ва дар бораи ҳалок шудагон фармудааст: «فَلَا يَسْتَطِيعُونَ تَوْصِيَةً وَلَا إِلَىٰ أَهْلِهِمْ يَرْجِعُونَ» (Ёсин/ 50); <<Пас на метавонанд тавсиа кунанд ва на ба сӯӣ хонаводаи худ боз мегарданд>>!

Худованд руҳи шумо бародари мӯъминро ба шинохти Ислом ва талош барои иқомаи он дар ҷаҳон муваффақ кунад ва ба арвоҳи биҳиштиёне ки чи басо дар водии Ал-Салом мунтазиратон ҳастанд, мулҳақ фармояд.

Дафтари ҳифз ва нашри осори Мансури Ҳошимии Хуросонӣ
Бахши посухгӯӣ ба пурсишҳо
Ҳамрасонӣ
Ин матлабро бо дӯстони худ ба иштирок бигзоред.
Email
Telegram
Facebook
Одноклассники
ВКонтакте
Навиштани пурсиш
Корбари гиромӣ! Шумо метавонед пурсишҳои худро дар бораи осор ва андешаҳои аллома Мансури Ҳошимии Хуросониро дар форми зер бинависед ва барои мо ирсол кунед то дар ин бахш посух дода шавад.
Таваҷҷуҳ: Мумкин аст номи шумо ба унвони нависандаи пурсиш дар пойгоҳ намоиш дода шавад.
Таваҷҷуҳ: Аз онҷо ки посухи мо ба эмейли шумо ирсол мешавад ва лузуман бар рӯи пойгоҳ қарор намегирад, лозим аст ки одраси худро ба дурусти ворид кунед.
Таваҷҷуҳ: Лутфан ба нукоти зер таваҷҷуҳ фармойед:
1 . Мумкин аст ба пурсиши шумо дар пойгоҳ посух дода шуда бошад. Аз ин рӯ, беҳтар аст пеш аз навиштани пурсиши худ, пурсишҳои муртабитро мурур ё аз имкони ҷустуҷӯ дар пойгоҳ истифода кунед.
2 . Муддати маъмул барои посухгӯӣ бар ҳар пурсиш, 3 то 10 рӯз аст.
3 . Беҳтар аст аз навиштани пурсишҳои мутаъаддид ва ғайри муртабит бо ҳам дар ҳар навбат худдорӣ кунед; Чароки чунин пурсишҳое дар пойгоҳ ба тафкик ва эҳёнан дар муддатӣ бештар аз муддати маъмули посух дода мешаванд.
* Лутфан коди амниятиро ворид кунед. Captcha loading
Ҳар гуна истифода ва бардошт аз матолиби ин пойгоҳ бо зикри манбаъ биломонеъ аст.
×
Оё моилед дар хабарномаи пойгоҳ узв шавед?