Душанбе 18 декабр 2017 мелодӣ баробар бо 30 рабеъ-ул-аввал 1439 ҳиҷрӣ қамарӣ فارسی English

Мансури Ҳошимии Хуросони

* Бахши «Номаҳо» ҳовии номаҳое аз ҳазрати аллома Мансури Ҳошимии Хуросонӣ ҳафизаҳуллоҳ таъолло роҳандозӣ шуд. * Дарсҳои шайх Солеҳи Сабзаворӣ бо мавзӯъи шарҳи китоби «Бозгашт ба Ислом» дар бахши «Шарҳҳо» қобили дастрасӣ аст. * Китоби шарифи <<Бозгашт ба Ислом>> навиштаи ҳазрати Мансури Ҳошимии Хуросонӣ бо хазинаи ҷамъе аз мӯъминони некукор ва ба сурати вақф мунташир шуд. * Саҳифаи расмӣ дафтари ҳифз ва нашри осори Мансури Ҳошимии Хуросонӣ дар шабакаи иҷтимоъии фесбук роҳандозӣ шуд.
loading

Хондани дидгоҳҳо

Шумора: 17 Нависандаи мақола: Тарихи мақола:
Мавзӯъи мақола:

Дар ҳисори ҳошияҳо

Барои ҳар чизе вақт мегузорем ҷуз барои охирати худ ва ҷуз барои дини худ! Соъатҳо пайи пучиҳои дунё ҳастем, вале бо Ислом кори чандоне надорем. Касоне ки мутадаян нестанд ба ҷойи худ, вале касоне ҳам ки иддаъои тадайюн доранд дағдағаи шинохти динро надоранд. Дар атрофи худ мусалмонони бисёреро мебинем ки моҳҳо ва солҳои мутамоддӣ вақти худро барои ҳифзи сураҳои Қуръон гузоштаанд, аммо ба вузуҳ мебинем ки дар воқеъ Қуръонро аз ёд бурдаанд ва онро пушти сар андохтаанд; Чароки танҳо онро аз бар мекунанд аммо ба он амал намекунанд. Ҳофизаҳояшон лабрез аз Қуръон аст аммо кирдорашон орӣ аз он. Аз ҳамин рӯст ки мегӯйем инон дар воқеъ Қуръон ва Исломи ростинро аз ёд бурдаанд. Вақте аз онон мехоҳӣ ки ба нидои <<Бозгашт ба Ислом>> гӯш ва ҳуш биспоранд, мебинӣ ки вақт надоранд; Чун машғули ҳифзи Қуръон ҳастанд!!!

Мусалмонони бисёреро мебинем ки бо талошӣ вофир, дар таҷвид ва қироъати Қуръон ба дараҷаи аъло расидаанд ва бо диққат ва зарофат, махориҷи ҳуруфро бо ғализтарин ваҷҳи мумкин адо мекунанд ва ҳатто медонанд ки кадом қории машҳур, эҳёнан кадом ҳарфро ба сурати дақиқ талаффуз мекунад ва кадом қорӣ дар талаффузи ҳамон ҳарф, мусомеҳа дорад, аммо ин гурӯҳ аз баҳрагирӣ аз тамоми Ислом ва аз бозгашт ба он оҷизанд; Чарои агар бихоҳанд сарашонро аз рӯӣ Қуръон ва таҷвиди Қуръон бардоранд ва ба нидои <<Бозгашт ба Ислом>> ва бозбинӣ дар ақойиду афкор ва бинишҳои худашон гӯш фаро диҳанд, аз илми таҷвид боз мемонанд ё аз тадрис ва таълими он ақаб меафтанд!

Дар саросари ҷаҳони Ислом шоҳид ҳастем ки чигуна туллоби улуми динӣ, дар талаби ончи илми динаш меноманд ғарқ шудаанд, аммо мутаъассифона толиби бозгашт ба Ислом нестанд. Дар ҳоле ки ҳамагӣ агар мунсиф бошем, изъон хоҳем кард ки Ислом дорад аз даст меравад ва ҷуз пӯстаи нозуке аз он боқӣ намондааст ва донаи пур баркати он дар зери харворҳо хоки садаҳо мадфун гашта ва мунтазири ҷӯъраи обе аст то дубора ҷавона занад ва танау шоха ва барг бигзорад ва оламро пур кунад. Бовар кунед бисёрӣ аз ин толибони ба истилоҳи илм! Бо диққати фаровон ва ҳавсалаи бисёр, соъатҳои гаронбаҳои умри хешро сарфи хондани муфассалтарин китоби сарфӣ ва наҳвӣ ва мантиқӣ ва усулӣ ва ғайри он мекунанд, аммо ҳозир нестанд китобӣ муфид ва арзишманд ки ба онон пешкаш мекуниро хуб ва дуруст мутолеъа кунанд ва сипас ба одати ҳамешагияшон дар бораи он ба баҳс биншинанд, бал чи басо аз таварруқи сода ва рӯзномавори он дариғ мекунанд ва мегӯянд: Вақти имтиҳонот аст!!... Вақт надорем!!... Бояд усул бихонем!!... Бигзор барои чанд моҳи дигар ки фалон сатҳро гузарондам!!...

Охир мусалмон! Маълум ҳаст чи мегӯйи??!! Ту ба дунболи чи чизе ҳастӣ?? Аз ин масъала муҳимтар ва ҳаётитар ҳам магар ҳаст?? Чигуна миёни <<Бозгашт ба Ислом>> ва дарсу имтиҳонот ва усулу фиқҳ ва сарфу наҳв хондан, дувумиро баргузидӣ?! Аслан магар ту барои шинохти беҳтар ва комилтари Ислом дарс намехонӣ?? Магар ту намехоҳӣ Исломро бишносӣ ва ба он бозгардӣ ва ба он даъват кунӣ ва Худовандро розӣ гардонӣ? Ту ки дақиқан акси ин хостаат амал мекунӣ! Накунад ҳадафатро фаромӯш кардаи ва ғаразатро аз касби илм аз ёд бурдаи?! Вой бар мо ки мултафити ин умур нестем!!!

Дар тамоми ин муддат, як мард пайдо нашуд ки кулли китоби <<Бозгашт ба Ислом>> ро ба забони Арабии шево ва равон баргардонад то арабзабонони мусалмон низ баҳраи хешро аз он бигиранд!! Дар ҳоле ки барои баргардон ва тарҷумаи ҳар чизи дигаре агарчи сахиф ва беарзиш бошад, вақт мегузоранд ва бокашон ҳам нест ки аз ин умру илм ва вақте ки барои ҳар чиз сарф карданд, пурсида хоҳад шуд!!

Эй мусалмонон! Чаро набояд посухи шойиста ба ин нидои муқаддасро сарлавҳаи кори хеш қарор диҳед? Чаро бо дастони худ ва дилҳои худ ин базри Илоҳиро обёрӣ накунем то рушд кунад ва биболад ва моро то осмон боло бибарад ва ба биҳишт бирасонад??

Бархӣ аз муслимин роҳҳои тӯлониро рӯзҳо пой пиёда мепаймоянд то ба зиёрат бираванд, аммо ҳозир нестанд ва ба қавли худашон <<Вақти>> онро надоранд ки ду ё се ҳафта дар хонаи худашон вақт бигзоранд ва китобӣ чунин сарнавиштсоз ва таъйин кунандаро мутолиъа кунанд!

Мусалмонон барои мусобиқоти мутаъаддид ва мухталифи ҳифзу қироъат ва тартилу мафоҳим ва тафсири Қуръон аз саросари ҷавомеъи Исломӣ гирди ҳам ҷамъ мешаванд ва рӯзҳо ва соъатҳо вақт сарф мекунанд ва ҳазинаҳои бисёреро барои он масраф мекунанд, аммо сад афсӯс ки надидем ва нашунидем ки ду олими мусалмон ё ҳадди ақал ду муҳассил ва талабаи мусалмон бинишинанд ва вақт бигзоранд ва дар ҷамъи иддаъе аз мусалмонон дар бораи <<Бозгашт ба Ислом>> сухан бигӯянд ё ҳатто дағдағаи онро дошта бошанд. Ин мардуме ки имрӯз шоҳидашон ҳастем, баъид аст ки ҳатто тасаввур кунанд Ислом дар хатар бошад ва баъидтар аст ки бипиндоранд ҳамагӣ бо ҳам ба Ислом пушт кардаем!!!

Охир чаро! Магар дар бадбахтӣ ва тирарӯзӣ ғутавор нестем?? Магар дар мусибат ва бало ғарқ нестем? Магар саргардонӣ ва ҳайронӣ вайронамон накардааст? Магар ҳаво ғуборолуд ва замин гилолуд нест ва магар поямонро танҳо бар ботлоқ намегузорем?!! Магар дар ваҳшат ва танҳоӣ ба сар намебарем? Магар асри мо асри пучӣ ва парешонӣ нашудааст??!!

Пас ба куҷо меравем ва аз чи чиз рӯй мегардонем? Оё аз саъодат гурезонем ва аз ҳидоят безор?!!!

Оё фаҳм кардани хайрхоҳӣ ва хайрандешӣ ва ҳидоятгарии он бузургмарди фарзона ки китоби чунин пурбаҳо ва гаронмояро тақдими мусалмонон фармудааст, чизи ғомиз ва печидае аст ки бархӣ мардум чунин бо эҳтиёт ва даст ба ассо ва мазнун ба сӯяш назар мекунанд ки инсон аз мушоҳидаи он ҷиддан ба хашм меояд??!!

Бародарон ва хоҳарони мусалмон!! Шуморо ба Худо савганд, ба худ ойед ва даст аз бозиҳои шайтонии ин ҳаёти нимрӯза бардоред ва боқӣ умрро ба нобудӣ накашонед ва хокистар накунед. Шайтон умри моро макид ва ба сӯӣ дӯзахамон кашид. Ҷонҳои моро хаст ва дастонамонро баст. Дигар ба ӯ иҷоза надиҳед бо дасисаҳои ошкор ва пинҳонаш гоми охирро барои вуруд ба дузах тавассути худи мо барои мо бардорад.

Шояд ин, охарин фурсати мусалмонон барои наҷоташон бошад!! Шояд пас аз ин, тӯфонҳои саҳмгини фитна ва гирдобҳои ҳувлноки азоб ва ғазаб бар мо бивазад ва гӯшту пӯсте бар мо нагузорад ва он рӯз дигар ҳасрат ба корамон наёяд ва охарул амри ҳам дар дунё ва охират аз зиёнкорон бошем.

Агар ҳанӯз нойи барои наҷоти хештан доред, бархезед ва ба нидои Исломи ростин гӯш фаро диҳед ва ба ресмони наҷот даромезед. والعاقبة للمتقین

Навиштани дидгоҳ

Корбари гиромӣ! Шумо метавонед мақолот, хотирот ва дилнавиштаҳои худро дар пайванд бо осор ва андешаҳои аллома Мансури Ҳошимии Хуросониро дар форми зер бинависед ва барои мо ирсол кунед то дар ин бахш ба намоиш гузошта шавад.

Таваҷҷуҳ: Аз онҷо ки посухи мо ба эмейли шумо ирсол мешавад ва лузуман бар рӯи пойгоҳ қарор намегирад, лозим аст ки одраси худро ба дурусти ворид кунед.

Лутфан коди амниятиро ворид кунед.
Reload Captcha captcha loading
Ҳар гуна истифода ва бардошт аз матолиби ин пойгоҳ бо зикри манбаъ биломонеъ аст.